سويت حادث بسيط لايذكر هل اقدر اطالب شركة التأمين

روح مراركز خدمة تقدير في المدينة الل انت فيها يصورون السيارة ياخذون تقرر الحادث يرسلونك تقدير على ايميلك او جوالك بعد يومين ذيك الساعة تشوفه واذا لقيته حرزان روح شركة التامين

شركة نجم اخذت صور للحادث وقالو رح قدر وراجع شركة التأمين النظام في الدمام غير باقي المناطق

لا يعطونك لو مخش تحاسبهم علية اجل وش فايدة ذا الترليونات اللي يلهطونها
ورفع أسعار التأمين 

أنت رح قل لهم الصدام تضرر وأبي أغيرة حتى لو مخوش وخذ دراهمك ولا تصلح

رح سعر .. وارفق فواتير التسعيرات 


ي رجال بيجيك مبلغ لا تصلح فيه ماتستاهل حطه بجيبك 

هم يوم اخذوا منك فلوس التامين مارحموك 

اي صدمه حكه اي شي رح خذ حقك منهم لا توفر شي

يعني مالهم حق يرفضون

اذا الخطا عليك ١٠٠% ما عليك حتى نسبة تحمل و لا شي

الخطأ على الطرف الثاني

تسعر الصدمة من ٣ ورش ويكتبوا في التسعيرة القطع المطلوبة
تاخذ تسعيرة بالقطع
تقدم التسعيرات لشركة التأمين ويحاسبوك ولا تنسى تقدم لهم فاتورة التسعيرات حتى يحاسبوك عليها

اسبوع وتنزل لك الفلوس في الرصيد

قبل سنتين صدمني واحد وكانت حكة خفيفة وما كنت ناوي اكلم نجم لكنه وقح نزل يقول لي أنت غلطان قلت له ما في مشكلة الان أطلب نجم وهو يقول من الغلطان
انتظرنا نجم وحط الغلط عليه 100% وسعرت واستلمت 1800 ريال من التأمين

يدفعون لك ماعليك من كلام حق نجم
بس فك الشنكار اذا جيت تقدر
وبعدها روح للمرور وقلهم صارلي حادث وقدرت.. بيقول خذ برنت من نجم بنفس المبنى فيه تفاصيل الحادث برقم الحادث بجوالك ثم يختمه لك المرور وتروح شركه التامين حقت الخصم وبتعرفها من البرنت.. وعاد التامين له شروط هو بيشرحها لك.. بيقول جب البرنتات كامله مختمه وصوره رقم حسابك وصور السياره حديثه من ٤ جهات عشان يقبلون المعامله.. وبعد اسبوع يحولون لك المبلغ

اذا بالرياض تروح مركز خدمة تقدير يصورون السيارة ثم تطلع منهم 
 وتنتظر الى ان تجيك رسالة نصية فيها تكلفة الاصلاح
بعدها تتوجه لشركة التأمين ومعك الايبان حق البنك   ثم تنتظر الى اسبوعين والمبلغ بحسابك

هذي الطريقة للمدن اللي فيها مركز يقدم خدمة تقدير

يعطونك حتى لو انت المخطي 100%
في 2015 طحت في حادث في الدمام شارع الملك سعود حي الخليج دعمت باص تويوتا هايس بضايع و قدام الهايس ونيت
ميتسوبيشي و انا الثالث. المهم عقب ما جا نجم و طلع الحق علي 100% و عطاني ورقة وقاللي تختمها من المرور و تراجع
التأمين بعد بيومين. السيارة كانت استمارتها ايام و تنتهي و عارف التأمين اجراءه بياخذ وقت وانا ما بي انتظر المهم كلمت
التأمين حقي و قلتلهم بصلح السيارة على حسابي و برفق لكم الفواتير مع الخطاب. استعجلت عشان الفحص ما كان ودي انتظر
لا تأمين ولا غيره. و سيارتي كان بس راس مالها صدام و شوية كلبسات. المهم الزبدة عطوني شيك. في اسبوع صلحت السيارة
و رجع كل شي طبيعي و الحمد لله ولا كأنه صار شي.

لاتخلي لهم هلله لو هم مكانك عشان ريال يوقفون خدماتك

يخوك فلوس جايتك بلاش لاتردها عشان كم مشوار